Авторлар белән очрашулар, эшлекле сессияләр һәм лекцияләр – «Питер» нәшрият йорты Казанда беренче китап фестивален тәкъдим итә

Чара якындагы ял көннәрендә узачак

Фото: Денис Гордийко

Киләсе ял көннәрендә, 23-24 нче мартта, ТР Милли китапханәсендә «Питер» нәшрият йортыннан беренче китап фестивале узачак. Кунаклар өчен китап ярминкәсе, эшлекле сессияләр, танылган авторлар белән очрашулар һ.б. оештырылачак.

Балалар өчен иҗат остаханәсе ике көн 12:00 дән 16:00 гә кадәр эшләячәк. Фестивальнең яшь кунаклары балалар әсәрләре сюжетлары нигезендә төрле эшләнмәләр ясый алачак. Шулай ук, конкурсларда, викториналарда катнашып, бүләкләр оту мөмкинлеге дә бар.

«Эшлекле китап һәм технологияләр турында сөйләшәбез» темасына ачык сөйләшү кысаларында бизнес өчен әдәбият һәм цифрлаштыру заманында басмаларның язмышы турында фикер алышачаклар. Башлану вакыты – 13:00 сәгатьтә. Сатуда нәтиҗәле технологияләр, җәмәгатьчелек арасында уку культурасын популярлаштыру буенча дискуссия 13:45 сәгатькә планлаштырылган.

Фестиваль кунаклары 15:00 сәгатьтә «Шуры-Муры на Калининском», «Призраки дома на Горького» китаплары авторы Екатерина Рождественская белән очраша алачак. 16:00 сәгатьтә Сергей Есенинның «Спаса кроткого печаль…» православие шигърияте җыентыгы тәкъдир ителәчәк, очрашу кысаларында «Англетер» кунакханәсендә нәрсә булган? Сергей Есенинның үлеме белән бәйле серләр» темасына лекция укылачак.

16:40 сәгатьтә «Питер» нәшрият йортының PR-директоры Алексей Шевченко «Укыйбыз һәм киенәбез. Мода укуга ничек тәэсир итә» лекциясен уздырачак. 17:15 сәгатьтә «Шахтерская дочь» һәм «Герои» шигъри бестселлерлары авторы Анна Ревякина белән очрашу планлаштырылган.

Беренче көн программасын «Украинская трагедия» бестселлеры авторы Семен Уралов белән очрашу төгәлләячәк, башлана – 18:05 сәгатьтә.

Фестивальнең икенче көнендә 12:00 сәгатьтә Марина Богомягкованың «Экопуть к себе. Сказка для взрослых» китабы буенча фикер алышу булачак.

12:30 һәм 14:30 сәгатьләрдә хәрби корреспондент Сергей Карнаухов һәм федераль телеканалларның әйдәп баручы эксперты Александр Казаков белән очрашулар көтелә.

Китап фестивале 16:00 сәгатьтә патриотик шигърият кичәсе белән тәмамланачак.

Шулай ук укыгыз

Барлык яңалыклар