Бөтенроссия экологик диктант 4 нче декабрьгә кадәр озайтылды

Тест биремнәре 25 сорауны үз эченә ала.

Фото: Казан шәһәре KZN.RU

(Казан шәһәре KZN.RU, 30 нчы ноябрь). Ноябрьдә Россия Федерациясе субъектларында старт алган Бөтенроссия экологик диктант бер атнага озайтылды. Ул 27 нче ноябрьдә төгәлләнергә тиеш иде, әмма күпсанлы үтенечләр буенча әлеге датаны агымдагы елның 4 нче декабренә күчерделәр, дип хәбәр итә ТР Урман хуҗалыгы министрлыгы матбугат хезмәте.

Экодиктант тест форматында уза, бу 25 сорауны үз эченә ала. Биремнәрне үтәүгә 45 минут вакыт бирелә. Илнең барлык төбәкләрендә яшәүчеләр дә үз белемнәрен порталда сынап карый ала.

Акцияне оештыручылар – ТР Экология һәм табигый байлыклар министрлыгы,ТР Мәгариф һәм фән министрлыгы, Федерация Советының Аграр-азык-төлек сәясәте һәм табигатьтән файдалану комитеты, «Равноправие » автоном коммерцияле булмаган оешмасы, «Ангел-ДетствоХранитель» гомумрәсәй иҗтимагый хәрәкәте һәм «Федераль балалар экология-биология үзәге» өстәмә белем бирү учреждениесе.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар