Казанда узачак Бокс буенча бөтенроссия ярышлары якынча 150 спортчыны берләштерәчәк

32 командадан торган боксчылар 13 авырлык категориясендә җиңү өчен көрәшәчәк.

Фото: ТР Бокс федерациясе

(Казан шәһәре KZN.RU, 17 нче март). Татарстан башкаласы «Динамо» берләшмәсенең 100 еллыгына багышланган Бокс буенча бөтенроссия ярышларын кабул итә. Медальләр өчен илнең 20 төбәгеннән 146 спортчы көрәшәчәк.

Ярышларда 15-16 яшьлек боксчылар катнашачак. Алар 32 командага бүленәчәк, араларында 13 авырлык категориясендә бүләкләр уйнатылачак, дип хәбәр итә ТР Спорт министрлыгы.

Көрәшләр Бокс һәм өстәл теннисы үзәгендә узачак. Бүген катнашучылар Казанга киләләр, ә 18 нче мартта турнирның тантаналы ачылышы була. Ярышларның тулы программасын сылтама буенча карарга мөмкин.

Шулай ук укыгыз

Барлык яңалыклар