Мәскәү һәм Г.Камал урамнарында автобуслар хәрәкәте схемасы вакытлыча үзгәрә

Юл участокларында су белән тәэмин итү челтәрләре реконструкцияләнә

Фото: Денис Гордийко

Иртәгәдән Казанның Мәскәү урамында автобуслар хәрәкәте схемасы вакытлыча үзгәрә. Париж Коммунасы урамыннан Татарстан урамына кадәрге участокта су белән тәэмин итү челтәрләре реконструкцияләнә.

6, 35, 35а, 47 нче автобуслар Сул як Болак һәм Уң як Болак урамнары буенча йөреячәк. Барлык тукталышлар саклана.

2, 5, 23, 30, 56, 63, 72, 91 нче автобуслар барлык тукталышлар белән Г.Тукай урамы буенча ике юнәлештә хәрәкәт итәчәк, дип хәбәр иттеләр Казан Башкарма комитетының транспорт комитетында.

Исегезгә төшерәбез, Мәскәү урамында инженерлык челтәрләрен реконструкцияләү белән бәйле рәвештә 7 нче «Халитов урамы – Тимер юл вокзалы» маршруты буенча троллейбуслар хәрәкәте схемасы шулай ук үзгәрде. Ремонт эшләре вакытында Мәскәү урамында транспорт хәрәкәте һәр юнәлештә бер полоса буенча башкарыла. Шуңа күрә 7 нче троллейбуслар, Мәскәү, Чернышевский һәм Сәетгалиев урамнарына кермичә, вакытлыча «Халитов урамы – Елга порты» маршруты буенча йөри. Маршрутның үзгәртелгән өлеше Пушкин – Татарстан – М.Девятаев урамнары буенча уза. Яңа тукталышлар кертелде: «Г.Тукай урамы», «Татарстан урамы», «К.Тинчурин урамы», «Автовокзал», «Елга порты». Хәрәкәтнең вакытлыча схемасы белән сылтама буенча танышырга була.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар