“Салават күперендә” яңа йортка табиблар күченә

Торак микрорайонның Нурихан Фаттах урамында 19 номерлы йорт тапшырылды.

(Казан шәһәре KZN.RU, 29-нчы гыйнвар). “Салават күпере” торак микрорайонында 102 фатирлы бер подъездлы йорт тапшырылды. Фатир алучылар Нурихан Фәттах урамындагы 19 йортка күченә.

Төзелеш адресы 12-2 булган йортта социаль ипотека программасында катнашучылар һәм грант алучы табиблар яшәячәк. Фатирлар чисталама отделка белән тапшырыла.

“Салават күпере” микрорайоны төзелешенең беренче чиратында 6426 фатирга исәпләнгән 10, 11, 12, 13 квартлалларда урнашкан 22 йорт керә. 12-2 номерлы йорт – 16-нчы. Бер үк вакытта икенче чират йортлары да төзелә: 7, 8 кварталлардагы 2924 фатирлы 10 йорт, дип хәбәр итә ТР Президенты каршындагы Дәүләт торак фонды матбугат хезмәте.

Искәртергә кирәк, гыйнвар аенда “Салават күперендә” полиция бүлеге ачылды. Биредә яшәүче халыкның куркынычсызлыгын хокук саклау органнарының 78 хезмәткәре тәэмин итә.

Россиялеләрне арзан һәм уңайлы торак белән тәэмин итү – РФ Президенты Владимир Путинның стратегик инициативасы. “Хәзерге вакытта гражданнарыбызны уңайлы торак белән тәэмин итәргә кирәк. Беренче чиратта, яшь гаиләләр һәм балалы яшь гаиләләрне”.

Шулай ук укыгыз

Барлык яңалыклар