Узган атнада ашыгыч ярдәм хезмәте 65 тапкыр бала туу очракларына барган

Төрле авырулар сәбәпле ашыгыч ярдәмгә 5625 казанлы мөрәҗәгать иткән.

(Казан шәһәре KZN.RU, 20-нче апрель). 13-нче апрельдән 19-нчы апрельгә кадәрге атнада Казанның ашыгыч ярдәм хезмәтенә 6345 чакыру килгән, 670 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 5625 казанлы мөрәҗәгать иткән. Аерым алганда, көчле миокард инфаркты буенча 30 очрак һәм мидәге кан әйләнеше бозылу буенча 157 очрак теркәлгән. Бала табу очраклары уңаеннан табибларга 65 чакыру килгән.

636 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 14 тапкыр чакыртылганнар, аларда 16 кеше зыян күргән, 9 кеше хастаханәгә озатылган. Янгын очракларына табиблар 9 тапкыр чакыртылган, аларда 4 кеше зыян күргән, бер кеше үлгән, дип хәбәр итә «Казанның ашыгыч медицина ярдәме станциясе» дәүләт автоном сәламәтлек саклау учреждениесе.

Шулай ук укыгыз

Барлык яңалыклар