Казанда метроның дүрт станциясе янында вакцинациянең мобиль пунктлары эшләячәк

Шәһәр кешеләре коронавирус һәм гриппка каршы вакцинацияләнә алачак.

Фото: Марат Мөгыйнов

(Казан шәһәре KZN.RU 9 нчы сентябрь). 12 нче сентябрьдә Казанда «Җиңү Проспекты», «Кәҗә бистәсе», «Яшьлек» һәм «Авиатөзелеш» метро станцияләре янында грипп һәм коронавирус инфекциясеннән вакцинация мобиль пунктлары эшли башлаячак.

Шәһәр халкы прививканы 8:00 дән 19:00 гә кадәр (тәнәфес – 13:00 дән 14:00 гә кадәр) ясый алачак.

Грипптан «Совигрипп» вакцинасын, COVID-19 дан – «Спутник V»ны, шул исәптән интраназаль ысул белән куярга мөмкин булачак. Әйтик, 5 нче сентябрьдән 940 казанлы интраназаль ысул белән вакцинацияләнгән, дип хәбәр иттеләр ТР Сәламәтлек саклау министрлыгы Сәламәтлек саклау идарәсендә. Вакцинаны интраназаль кертү лайлалы йоткылык өстендә иммун саклагычы тудыра, бу үз чиратында инфекция өчен тоткарлык булып хезмәт итә. Вакцинацияне ОРВИ симптомнары һәм хроник авырулар кискенләшүе булганда ясарга киңәш ителми.

Исегезгә төшерәбез, шәһәрлеләр грипп һәм коронавирустан прививканы яшәү урыны буенча сырхауханәләрдә һәм «Южный» сәүдә үзәгендәге мобиль пунктта ясата алалар. Төнлә, 20.00 сәгатьтән 7.30 сәгатькә кадәр, вакцинацияне 7 нче номерлы шәһәр клиник хастаханәсендә Чуйков урамы, 54, 3 нче терминал адресы буенча үткәрәләр.

Грипптан вакцинацияләү өчен август аенда Казанга 65 мең доза «Совигрипп» препараты, шулай ук 13,7 мең доза «Ультрикс Квадри» вакцинасы кайтарылган.

Шулай ук укыгыз

Барлык яңалыклар