Казанда һава +26 градуска кадәр җылыначак

15 майда кич белән бераз яңгыр явачак.

(Казан шәһәре KZN.RU, 14-нче май). Иртәгә, 15 май көнне, Казанда җылы һәм кояшлы булачак, кич белән генә урыны белән кыска вакытлы яңгыр яварга мөмкин. Төнлә явым-төшем күзәтелми, һава температурасы +8-10 градус тәшкил итәчәк. Көндез +24-26 градус булуы көтелә, алмашынучан болытлы һава булачак һәм төньяк-көнбатыштан салмак җил исәчәк.

Шул ук вакытта ТР Гидрометеорология һәм әйләнә-тирә мохитне күзәтү идарәсе кисәткәнчә, 15 майда көннең икенче яртысында һәм төнлә Татарстан территориясендә урыны белән яшен һәм җил тизлеге 15-20 м/с кадәр артуы көтелә. Төнлә һаваның минималь температурасы +5-10 градус, көндез максималь температура +22-27 градус булачак.

Шулай ук укыгыз

Барлык яңалыклар