Торгызыла торган Казан Изге Ана иконасы соборы биеклеге 38 метрга җитте

Тулы җылылык контуры белгечләргә салкын вакытта эшләргә мөмкинлек бирә.

(Казан шәһәре KZN.RU, 21-нче февраль). Торгызыла торган Казан Изге Ана иконасы соборы эчке отделка эшләренә әзер. ТР Дәүләт киңәшчесе, “Возрождение” республика фонды химачелек советы рәисе, ТР беренче Президенты Минтимер Шәймиев төзелеш эшләре барышын тикшерде.

Казан һәм Татарстан митрополиты Феофанһәм подрядчылар белән бергә ул собор бинасын карап чыкты. Узган елның октябрь аеннан биредә җылылык контуры эшләгәнгә, төзүчеләр салкын көннәрдә дә эшли алалар.

“Хәзер объект биеклеге 38 метр тәшкил итә, - дип хәбәр ителә ТР Президенты матбугат хезмәте. – Тиздән үзәк икона урыны куелачак”.

Экскурсиядән соң очрашуда катнашучылар Богородицкий монастырендә киңәшмә үткәрделәр. М.Шәймиев төзелеш темплары һәм сыйфаты белән канәгать калды. “Төзелеш сорауларын уңышлы хәл иттек. Иң катлаулы өлеше калды: эчке һәм тышкы отделка. Ул әлеге тарихи мираска лаеклы булырга тиеш”.

Шулай ук укыгыз

Барлык яңалыклар