«Игелекле Казан» волонтерлары һәм шәһәрнең яшьләр оешмалары кар чистарту үтенече белән язылган 20 гаризаны үтәгән

Өч көн эчендә иреклеләргә өлкәннәрдән, инвалидлардан һәм махсус хәрби операциядә катнашучыларның гаиләләреннән 26 мөрәҗәгать килгән

«Игелекле Казан» автоном коммерцияле булмаган оешмасы фотосы

Көчле кар яуган көннәрдә «Игелекле Казан» автоном коммерцияле булмаган оешмасы мохтаҗларга йорт яны территорияләрен кардан чистарту эшендә ярдәм күрсәтә. Өч көн эчендә әлеге үтенеч белән барлыгы 26 гариза кабул ителгән, шуларның 20 се инде үтәлгән. Тагын 6 гариза карала, дип хәбәр итә «Игелекле Казан» автоном коммерцияле булмаган оешмасы.

Волонтерларга ярдәм сорап ялгыз пенсия яшендәгеләр, инвалидлар, шулай ук махсус хәрби операциядә катнашучыларның гаиләләре мөрәҗәгать итә. Гаризалар шәһәрнең Константиновка, Северный, Сухая Река, Займище, Мирный, Царицыно һәм Дәрвишләр бистәләреннән һәм башка нокталардан юлланган. Иреклеләр кар чистарту өчен хәтта бакча ширкәтләренә дә баралар.

Кар чистарту буенча ярдәм сорап мөрәҗәгать итүчеләргә шулай ук яшьләр һәм спорт оешмалары да булыша.

Ярдәм кирәк булганда гариза тапшыру яки волонтер булу өчен +7(843) 558-74-18 телефон номеры аша кайнар линия хезмәтенә мөрәҗәгать итәргә кирәк. Оешма мондый авыр вакытларда казанлыларны битараф булып, читтә калмаска өнди: ярдәмгә никадәр күбрәк кеше кушылса, гаризаларга шулкадәр тизрәк җавап бирергә һәм, чыннан да, ярдәмгә мохтаҗларга булышырга була.

Исегезгә төшерәбез, 30 гыйнвардан Татарстан башкаласында «Буран» планы гамәлгә кертелде. Карар, көчле салкыннар башланганчы, кискен кар яву нәтиҗәләрен җайга салу максатыннан шәһәрдә җыештыру эшләре зарурлыгына бәйле рәвештә кабул ителгән.

«Буран» гамәлдә булган вакытта шәһәр мәктәпләренең барысы да дистанцион укыту эшчәнлеген дәвам итә, балалар бакчаларында ата-аналары өйдә кала алмаган балалар өчен дежур төркемнәр оештырылган. Барлык муниципаль парковкалар да бушлай эшли.

Шулай ук укыгыз

Барлык яңалыклар