Татарстан урамында булган юл һәлакәте катнашучысы – автобус йөртүчесе – вакытлыча эшеннән азат ителде

Татарстан урамында булган юл һәлакәте катнашучысы – автобус йөртүчесе – вакытлыча эшеннән азат ителде

<p> (Казан шәһәре KZN.RU, 4-нче октябрь, Ирина Смирнова). Казан үзәгендәге җитди авария катнашучысы булган автобус йөртүчесе тикшерү эшләре барган вакыт аралыгында эштән азат ителеп торган. Җәмәгать транспорты һәм җиңел Audi машинасы арасында килеп чыккан юл-транспорт һәлакәте Татарстан һәм Сәлимҗанов урамнары киселешендә иртәнге 8 сәгатьтә була. Якынча мәгълүматлар буенча, 3 пассажир һәм җиңел машина йөртүчесе зыян күргән. </p> <p> 37-нче номерлы маршрут автобусы Гыйләҗев А.Р. шәхси эшмәкәренә карый. Оешманың иминлек инженеры Михаил Анисимов KZN.RU порталына хәбәр иткәнчә, хәзерге вакытта тикшерү эшләре алып барыла, нәтиҗә билгеле булганчыга кадәр җәмәгать транспорты йөртүчесе эшеннән вакытлыча азат ителгән. Аның гаебе дәлилләнгән очракта, шофер эштән куылачак. </p> <p> Хәзерге вакытта шәһәрдә 15 компания пассажирларны йөртү белән шөгыльләнә, аларның 3-се муниципаль предприятие һәм 12-се шәхси эшмәкәрләргә карый. </p> <p>   </p>

2018-10-04T10:31:08+0300