В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
12.03.2019, 12:15
"Ел гаиләсе" Бөтенроссия бәйгесендә казанлылар катнаша ала
Конкурсның төбәк этабы июньгә кадәр дәвам итәчәк.
(Казан шәһәре KZN.RU, 12-нче март). Казан гаиләләре "Ел гаиләсе" Бөтенроссия конкурсында катнашырга чакырыла. Җиңүчеләрне биш номинациядә билгеләячәкләр: "Күп балалы гаилә", "Яшь гаилә", "Авыл гаиләсе", "Россиянең алтын гаиләсе", "Гаилә – традицияләрне саклаучы".
"Күп балалы гаилә" номинациясендә биш һәм аннан да күбрәк бала тәрбияләүче, шул исәптән тәрбиягә бала алган гаиләләр дә катнаша ала. "Яшь гаилә" номинациясенә бер һәм аннан да күбрәк бала тәрбияләүче, шул исәптән тәрбиягә бала алган, шулай ук иҗтимагый – файдалы хезмәт яки иҗади эшчәнлек белән шөгыльләнүче, сәламәт яшәү рәвеше алып баручы яшь гаиләләр (ир белән хатынның яше - 35 яшькә кадәр) кертелә. "Алтын гаиләләр" - кимендә 50 ел никахта яшәгән кешеләр. "Авыл гаиләсе" һәм "Гаилә – традицияләрне саклаучы" номинацияләре үзләре өчен үзләре сөйли.
Конкурсның төбәк этабы июньгә кадәр дәвам итәчәк. Конкурс һәм гаризалар формасы турында тулырак мәгълүматны оештыручының сайтында табарга мөмкин.
Бәйге Россия Хезмәт һәм социаль яклау министрлыгы һәм Авыр тормыш хәлендә булган балаларга ярдәм фонды тарафыннан 2016 елдан башлап үткәрелә.
Шулай ук укыгыз
-
23.09.2025, 10:05 -
23.09.2025, 09:41 -
22.09.2025, 17:52 -
22.09.2025, 17:07