«Мин күкне сайлыйм!» бәйрәме вакытында Казанда Сибгат Хәким һәм Бондаренко урамнары буенча йөрү ябык булачак

Чикләүләр 7-нче августта 14:00 сәгатьтән 17:00 сәгатькә кадәр гамәлдә булачак.

Фото: Денис Гордийко

(Казан шәһәре KZN.RU, 6-нчы август). Иртәгә, 7-нче августта, Сибгат Хәким һәм Бондаренко урамнарында транспорт хәрәкәте вакытлыча чикле булачак. Бу «Казан» гаилә үзәге янында «Мин күкне сайлыйм!» бәйрәмен үткәрү белән бәйле.

14:00 сәгатьтән 17:00 сәгатькә кадәр Сибгат Хәким урамы буенча ике якка да транспорт хәрәкәте чикләнәчәк, Декабристлар урамы киселешеннән башлап Әпсәләмов урамы киселешенә кадәр, шулай ук Бондаренко урамы буенча ике якка да, Сибгат Хәким урамындагы 3-нче номерлы йорттан алып Сибгат Хәким урамы киселешенә кадәр, дип хәбәр иттеләр Транспорт буенча комитетта.

Моннан тыш, «Казан» гаилә үзәгенең күзәтү мәйданчыгына керү мөмкинлеген чикләү дә планлаштырыла.

«Мин күкне сайлыйм!» бәйрәме Казанда тугызынчы тапкыр уздырыла. «Казан» гаилә үзәге янындагы мәйданчыкта концерт программасы, ә Казансу елгасы акваториясе өстендә – җәйге, ерак авиация, гомуми билгеләнешле, эксперименталь авиация самолетлары һәм вертолетлар катнашында программа планлаштырылган. Казанлылар алдында шулай ук «Стрижи» югары пилотажының авиация төркеме чыгыш ясаячак.

Исегезгә төшерәбез, бу көнне шулай ук аз үлчәмле суднолар хәрәкәте өчен Казансу елгасы акваториясенең бер өлеше ябылачак – Кремль дамбасыннан Миллениум күперенә кадәр. Тыю 12:00 сәгатьтән 20:00 сәгатькә кадәр гамәлдә булачак.

Шулай ук укыгыз

Барлык яңалыклар