«Рубин» матчы вакытында «Ак Барс Арена» стадионында донор акциясе узачак

«Рубин» матчы вакытында «Ак Барс Арена» стадионында донор акциясе узачак

<p> </p> <div class="detail-picture"> <img src="https://kzn.ru/upload/iblock/04c/DEN_4623-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 28 нче октябрь). 30 нчы октябрь, якшәмбе көнне, ТР башкаласы халкы Сөяк мие донорларының федераль регистрына керү өчен кан тапшыра алачак. Акция Казанның «Рубин» һәм Калининградның «Балтика» командалары арасында «Ак Барс Арена» стадионында үтәчәк. <p> </p> <p> 18 яшьтән узган теләүчеләр сөяк миенең доноры була ала. Волонтерларга анкета тутырырга һәм кан тамырыннан 3 мл кан тапшырырга кирәк булачак. Әгәр дә кеше донор сыйфатында туры килсә, соңрак аның белән регистр хезмәткәре элемтәгә керәчәк. </p> <p> Акция 15:00 сәгатьтә Ямашев проспекты, 115а адресы буенча башлана һәм «Росплазма» плазма үзәгенең Казан филиалының донор үзәге хезмәткәрләре катнашында узачак. Донор булырга теләүчеләр үзләре белән паспорт һәм СНИЛС алып килергә тиеш. </p> <p> Сөяк мие донорларының федераль регистры мәгълүматларына караганда, ел саен Россиядә кан яман шеше диагнозын 20 мең кешегә куялар. Шулардан якынча 5 мең бала һәм өлкән кеше сөяк миен күчерүгә мохтаҗ, һәм донор ярдәме кемнеңдер гомерен саклап кала ала. </p>

2022-10-28T15:16:12+0300