Казанда аномаль кар яуган вакытта махсус техника йөртүчеләр 14-16 сәгать эшләде

Казанда аномаль кар яуган вакытта махсус техника йөртүчеләр 14-16 сәгать эшләде

<p> </p> <div class="detail-picture"> <img src="https://kzn.ru/upload/iblock/4d4/4d457e30bc4f459ab7f0c74d60715f47.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 22 нче гыйнвар, Камилә Вилданова). Казанда аномаль кар яуган вакытта махсус техника йөртүчеләрнең эш көне 14-16 сәгатькә җиткән. Бу хакта кар җыю буенча оператив штаб утырышында шәһәр Башкарма комитеты җитәкчесе урынбасары Игорь Куляжев хәбәр итте.<br> <p> </p> <p> Шуңа бәйле рәвештә ул юл хезмәтләренә һәм территорияләрне кардан чистартуга үз өлешләрен керткән барлык кешеләргә башкарган эшләре өчен рәхмәт белдерде. </p> <p> «Беләбез, сез үз мөмкинлекләрегез чикләрендә эшлисез. Без кыш экваторын уздык, шуңа күрә ял итәргә вакыт юк. Әйдәгез, көчебезне җыйнап, шәһәрне бик кыска вакыт эчендә тәртипкә китерик», – диде Игорь Куляжев. </p> <p> Исегезгә төшерәбез, туктаусыз кар яуганга күрә, бер үк маршрутларны юл хезмәтләренә күп тапкырлар чистартырга кирәк. Махсус техника йөртүчеләрнең өзлексез эшләве өчен кайнар ризык китерү <a target="_blank" href="https://kzn.ru/meriya/press-tsentr/novosti/v-kazani-za-chetvero-sutok-vypala-pochti-mesyachnaya-norma-osadkov/">оештырыла</a>. </p>

2024-01-22T12:00:00+0300