Казан Кирмәнендә яңа ел ярминкәсе ачылды

Кунакларны «Мураками» төркеме чыгышлары һәм спектакльләр көтә

Казан Кирмәнендә яңа ел ярминкәсе ачылды, анда Татарстан башкаласында яшәүчеләрне һәм кунакларны сувенирлар, бүләк җыелмалары, шулай ук капкалап алу өчен уңайлы зоналар көтә. Яңа ел алдыннан мәйданчыкта берничә чара узачак, алар арасында – «Мураками» төркеме чыгышы һәм берничә спектакль күрсәтү. Ярминкә үзе 13 гыйнварга кадәр эшләячәк.

Бүген, 25 декабрьдә, 16:30 да кунаклар Кыш Бабай һәм Кар кызы катнашында «Үткәннәргә тәрәзә» интерактив спектаклен карый алачак.

Шимбә көнне, 28 декабрьдә, 14:00 сәгатьтә «Әби сандыгы» клоунады жанрындагы куелышны күрсәтәчәкләр. Ике сәгатьтән соң «Тылсымлы тимераяклар» спектакле рус теленә тәрҗемә белән башлана. 18: 00 дә шәһәрлеләргә «Үткәннәргә тәрәзә»не тәкъдим итәчәкләр. Кич 19:00 сәгатьтә «Мураками» төркеме чыгышы белән тәмамланачак.

Икенче көнне, 29 декабрьдә, чаралар 12:00 сәгатьтә «Әби сандыгы» спектакленнән башлана. 15:15, 19:00 һәм 20:00 дә актерлар «Үткәннәргә тәрәзә»не уйнаячак, ә 16:00 да – «Тылсымлы тимераяклар» куелачак.

Дүшәмбе көнне, 30 декабрьдә, «Әби сандыгы» (12:00), «Тылсымлы тимераяклар» һәм «Үткәннәргә тәрәзә» (15:15, 18:00, 19:00 һәм 20:00) спектакльләрен күрсәтәчәкләр.

Елның соңгы көнендә, 31 декабрьдә, тамашачылар «Әби сандыгы»н 12:00 дә, ә 15:15 тә һәм 18:00 дә – «Үткәннәргә тәрәзә»не карый алачак.

Чаралар гыйнварда дәвам итәчәк. вакытны сылтама буенча күрергә мөмкин. Барлык вакыйгаларга керү ирекле. Программа уңайсыз һава шартлары булган очракта үзгәрергә мөмкин, дип хәбәр итә «Казан Кирмәне» Музей-тыюлыгы матбугат хезмәте.

Шулай ук укыгыз

Барлык яңалыклар