Казанда Тельман урамындагы ишегалдында музыкаль open-air кичәсе узачак

Биредә дөньякүләм классик, заманча һәм эстрада музыкасы хитлары башкарылачак.

(Казан шәһәре KZN.RU, 5-нче июнь). 20-нче июньдә Казанда «Tango стилендә Event» музыкаль open-air кичәсе узачак. Ул Кремльдән ерак түгел Тельман урамындагы ишегалдында оештырыла.

Биредә дөньякүләм классик, заманча һәм эстрада музыкасы хитларын шәһәрнең иң яхшы музыкантлары – Анна Гулишамбарова җитәкчелегендәге «Яңа музыка» камера оркестры, Мәскәүнең «Яңа музыка студиясе» ансамбле солисты, скрипкада уйнаучы Станислав Малышев һәм башкалар башкарачак. Оештыручылар – София Гобәйдуллинаның заманча музыка үзәге – шәһәр халкына җылы атмосфера, җанлы тавыш һәм башка сюрпризлар вәгъдә итә.

Музыкаль open-air «Event Tango стилендә» кичәсе 20-нче июньдә 19.00 сәгатьтә Тельман урамындагы 29-нчы номерлы йорт ишегалдында узачак. Керү ирекле, белешмәләр өчен телефоннар: (843) 230-40-68, 230-41-22.

Шулай ук укыгыз

Барлык яңалыклар