Мәскәү районы ишегалларында шешәләр һәм банкалар җыю өчен яңа фандоматлар барлыкка килде

Мәскәү районы ишегалларында шешәләр һәм банкалар җыю өчен яңа фандоматлар барлыкка килде

<p> Казанның Мәскәү районы ишегалларында пластик шешәләр һәм алюминий банкалар эшкәртү өчен фандоматлар урнаштырылган. Аларны тапшырган өчен халык кушымтада бонуслар алачак, аларны сервис партнерларында ташламаларга алыштырырга мөмкин. </p> <p> Фандоматка ике литрга кадәр күләмдә буш шешәләр һәм банкалар кабул ителә. Алар чиста һәм коры булырга тиеш. Эшкәртүгә теләсә нинди күләмдә тара тапшырырга мөмкин, бер шешәгә яки банкага 10 бонус бирелә. Бүләкләү өчен үз телефон номерыңны кертергә кирәк булачак. </p> <p> Җайланмаларны Батыршин урамындагы 39 нчы йорт, Волгоградская урамындагы 2 нче йорт, Воровский урамындагы 23 нче йорт, Декабристлар урамындагы 103 һәм 114 нче йортлар, Серов урамындагы 3 нче йорт ишегалларында табарга була, дип хәбәр итә Киров һәм Мәскәү районнары администрациясе матбугат хезмәте. </p> <p> Исегезгә төшерәбез, шундый ук фандоматлар җәй көне Салават Купере торак районы паркында һәм Әмәт урманнарында <a target="_blank" href="https://kzn.ru/meriya/press-tsentr/novosti/v-salavat-kupere-i-gorkinsko-ometevskom-lesu-poyavilis-fandomaty-dlya-sbora-butylok-i-banok/?lang=ta">барлыкка килде</a>. </p>

2024-11-20T13:27:00+0300