Республика клиник наркология диспансерында психолог белән очрашуда гаджетларның балаларга йогынтысы турында фикер алышачаклар

Катнашу өчен алдан теркәлергә кирәк

Республика клиник наркология диспансерында 28 майда яшүсмерләрнең ата-аналары өчен психолог белән ачык очрашу булачак. Чара гаджетларның балаларга йогынтысына багышланачак.

Очрашуда тыңлаучылар гаджетларның балаларга һәм ата-аналарга ничек йогынты ясавын беләчәкләр, шулай ук «Мәхәббәт, курку һәм гаджет» һәм «Баш мие һәм гаджет» темаларына сөйләшәчәкләр. Теләге булганнар психология лабораториясе мөдире, клиник психолог Лилия Зайцевага сораулар бирә алачак.

Очрашу Сеченов ур., 6д адресы буенча 18:30 сәгатьтә башлана (3 кат, чарлак).

Катнашу бушлай, алдан теркәлергә кирәк, дип хәбәр иттеләр Казан буенча сәламәтлек саклау идарәсендә.