Владимир Путин Казан мәктәбендә һәлак булганнарның туганнары һәм якыннарының кайгысын уртаклашты

<h1></h1> <div> </div> <img src="https://kzn.ru/upload/iblock/71e/DSC_0305.jpg"> <div class="detail-picture"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 11-нче май). Россия Президенты Владимир Путин Казан мәктәбендә атыш нәтиҗәсендә һәлак булганнарның туганнарының һәм якыннарының кайгысын уртаклашты. Зыян күрүчеләргә дәүләт башлыгы тизрәк савыгуларын теләде. </p> <p> Казанда булган вакыйга турында В.Путинга Федераль куркынычсызлык хезмәте директоры Александр Бортников хәбәр итте. Президент хөкүмәткә яралыларга һәм зыян күрүчеләргә медицина һәм психологик ярдәм күрсәтүне, һәлак булганнарның туганнарына ярдәм итүне йөкләде. </p> <p> Казанга Гадәттән тыш хәлләр министрлыгының медиклар, психологлар һәм кирәкле медицина җиһазлары белән махсус борты җибәрелде. Мәгариф министры Сергей Кравцовка һәм сәламәтлек саклау министры Михаил Мурашкога фаҗига урынына очып китү йөкләнгән. </p> <p> Росгвардия директоры Виктор Золотовка гражданнар әйләнешендә булырга мөмкин булган корал төрләре турында яңа нигезләмә эшләргә аерым йөкләмә бирелде, дип хәбәр ителә kremlin.ru сайтында. </p> <p> 12-нче майда Татарстанда <a href="https://kzn.ru/meriya/press-tsentr/novosti/12-maya-v-tatarstane-obyavleno-dnem-traura/" target="_blank">матәм көне дип игълан ителде</a>. Казанның 175-нче номерлы гимназиясендә атыш нәтиҗәсендә сигез кеше үлгән, шул исәптән җиде бала. 21 зыян күрүчене хастаханәгә озатканнар. </p>

2021-05-11T12:58:38+0300