Владимир Путин Казанга WorldSkills чемпионатын ябу тантанасына киләчәк

РФ Президенты Россия яшь профессионаллар җыелма командасы белән очрашачак.

(Казан шәһәре KZN.RU, 26-нчы август). 27-нче августта Россия Президенты Владимир Путин һөнәри осталык буенча WorldSkills Kazan 2019 45-нче дөнья чемпионатын ябу тантанасында катнашачак.

Дәүләт башлыгы яшь профессионалларның Россия җыелма командасы, шулай ук WorldSkills International президенты Саймон Бартли белән очрашырга планлаштыра, дип хәбәр итә РФ Президентының матбугат хезмәте.

Исегезгә төшерәбез, WorldSkills стандартларының һөнәри осталык буенча 45-нче дөнья чемпионаты Казанда 22-27-нче августта уза. Анда 63 илдән 1360 конкурсант катнаша. Аларның 56 компетенциядә узган ярышларын 1294 эксперт бәяли.

Рәсми рәвештә Россия Федерациясе WorldSkillsка 2012 елда керде һәм 80 дәүләтне үз эченә алган халыкара хәрәкәтнең 60-нчы иле булды. Бүген «Яшь профессионаллар (WorldSkills Russia)» берлеге барлык төбәкләрне, 3500 колледжны, 160 югары уку йортын, 25 эре компанияне үз эченә ала.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар