Владимир Путин яңа «Гаилә» илкүләм проектын гамәлгә кертү турында игълан итте

Владимир Путин яңа «Гаилә» илкүләм проектын гамәлгә кертү турында игълан итте

<p> </p> <div class="detail-picture"> <img src="/upload/iblock/761/7614e242f3c427a6bfc264103d60f6c8.jpg"> <p class="detail-picture__caption"> Фото: Денис Гордийко </p> </div> Россия президенты Владимир Путин яңа «Гаилә» илкүләм проектын гамәлгә кертү турында игълан итте. Бу хакта ул Федераль Җыенга юлламасы кысаларында җиткерде. <p> </p> <p> «Балалы гаиләләрнең тормыш сыйфатын яхшырту, туучылар санын арттыру юнәлешендә даими эшләү мөһим. Әлеге максатны күз алдында тотып, без «Гаилә» дип аталган яңа илкүләм проектны башлап җибәрәбез», – диде Владимир Путин. </p> <p> Һәрчак файда китерә торган нәтиҗәле чаралар күрү зарур, дип өстәде дәүләт башлыгы. Алар кешеләргә һәм гаиләләргә, чыннан да, ярдәм итәргә тиеш. </p> <p> «Без, иң беренче чиратта, күп балалы гаиләләрнең ярлылык дәрәҗәсен киметүгә басым ясарга тиеш. Гомумән алганда, ярлылык белән көрәшнең җиңел булмавын аңлыйм – әлеге мәсьәлә тулысынча системалы характерда, күп векторлы», – дип ассызыклады президент. </p> <p> Исегезгә төшерәбез, 2024 ел илдә Гаилә елы дип <a target="_blank" href="mailto:https://kzn.ru/meriya/press-tsentr/novosti/vladimir-putin-obyavil-2024-y-godom-semi/">игълан ителде</a>. Карар гаиләне яклау һәм традицион кыйммәтләрне саклау өлкәсендә дәүләт сәясәтен популярлаштыру максатыннан кабул ителде. </p> <p> <b>Камилә Вилданова</b> </p>

2024-02-29T13:01:12+0300