Владимир Путин «Киләчәк уеннары» турында: «Иң югары дәрәҗәдә оештырылган»

Россия Президенты Рөстәм Миңнехановка рәхмәт белдерде

Фото: Кремльнең матбугат хезмәте

Россия президенты Владимир Путин «Киләчәк уеннары» фиджитал-турнирын оештырудагы ярдәме өчен ТР рәисе Рөстәм Миңнехановка рәхмәт белдерде. Дәүләт башлыгы чараның югары дәрәҗәдә узуын билгеләп үтте.

«Кичәге чараны оештыруда күрсәткән ярдәмегез өчен рәхмәт белдерәм. Барысы да дәвам итә, спорт вакыйгаларын күздә тотып әйтүем. Һәрвакыттагыча барысы да югары дәрәҗәдә – Татарстанда эшли беләләр», – дип мөрәҗәгать итте Россия лидеры Рөстәм Миңнехановка.

Дәүләт башлыгы чараның республика һәм илкүләм генә түгел, ә халыкара дәрәҗәдә булуын ассызыклады, дип хәбәр итә Кремльнең матбугат хезмәте.

«Киләчәк уеннары» Казанда 3 нче мартка кадәр дәвам итәчәк. Турнирда дөньяның 107 иленнән 2 меңләп кеше катнаша. Кичә ярышларны ачу тантанасы узды, анда Владимир Путин катнашты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар