Җир кишәрлекләре хуҗаларына Татарстан Росреестры белгечләре консультация бирә

Казанлыларның сорауларына дәүләт җир күзәтчелеге, геодезия һәм картография бүлеге башлыгы җавап бирәчәк.

(Казан шәһәре KZN.RU, 25 март). 26-нчы мартта Татарстанда җир кишәрлекләре хуҗалары өчен кайнар линия оештырылачак. Җир законнарын бозу мәсьәләләре буенча республика халкына Росреестрның ТР буенча идарәсе белгечләре консультация бирәчәк.

Казанлыларның сорауларына дәүләт җир күзәтчелеге, геодезия һәм картография бүлеге башлыгы Аркадий Белкин җавап бирәчәк. Кайнар линия телефонына шалтыратучылар җир кишәрлегеннән файдаланганда бурычлар һәм җаваплылык турында, күршеләр белән җир өчен бәхәсләрне ничек хәл итәргә кирәклеге, җир законнарын бозган өчен штрафларның кайчан бирелүе һәм нинди күләмдә булуы турында белә алачак.

Шалтыратулар 8.00-дән 12.00-гә кадәр +7(843)255-25-71 телефоны буенча кабул ителәчәк, дип хәбәр итә ведомствоның матбугат хезмәте.

Шулай ук укыгыз

Барлык яңалыклар