5 нче сентябрьдә Татарстан Милли музеена һәм аның филиалларына керү бушлай булачак

Казан халкы һәм кунаклары Г.Тукай әдәби музеена, А.Горький һәм Ф.Шаляпин музеена һ.б. бара ала

Фото: Екатерина Красуцкая

(Казан шәһәре KZN.RU, 1 нче сентябрь). Казан халкы һәм кунаклары 5 нче сентябрьдә Татарстан Милли музеена һәм аның филиалларына бушлай керә алачак.

Г.Тукай әдәби музеена, А.Горький һәм Ф.Шаляпин музеена, В.Ленинның музей-йортына, М.Җәлилнең музей-фатирына, Е.Боратынский музеена, 1941-1945 еллардагы Бөек Ватан сугышы музей-мемориалына һәм башкаларга керү бушлай булачак.

Учреждениенең матбугат хезмәтендә хәбәр итүләренчә, экскурсияләргә, мастер-классларга һәм музей программаларына килүчеләрне билетлар буенча кабул итәчәкләр.

Шулай ук укыгыз

Барлык яңалыклар