Казан вице-мэры Евгения Лодвигова Бөтенроссия форумында милләтара хезмәттәшлектә шәһәр тәҗрибәсен тәкъдим итте

Казан вице-мэры Евгения Лодвигова Бөтенроссия форумында милләтара хезмәттәшлектә шәһәр тәҗрибәсен тәкъдим итте

<div class="detail-picture"> <img src="https://kzn.ru/upload/iblock/cc1/cc1fe2433ee3adba703a41c02fb0e077.jpg"> <p class="detail-picture__caption"> t.me/varmsu фотосы </p> </div> <p> Бүген Мәскәүдә муниципаль тәҗрибәләргә кагылышлы «Кече Ватанның карарлары» форум-күргәзмәсе башланды. Ике көн дәвамында, 5 һәм 6 декабрьдә, 750 ләп муниципаль берәмлек вәкиле «Сенеж» идарәсе остаханәсе мәйданчыгына иң яхшы тәҗрибәләр алмашу өчен җыелачак. Бөтенроссия форум-күргәзмәсендә Татарстан башкаласын Казан муниципаль берәмлеге башлыгы урынбасары Евгения Лодвигова тәкъдим итте. </p> <h3> «Без Татарстан башкаласы халыкара элемтәләр үзәге статусын ныгытсын өчен тырышабыз» </h3> <p> Евгения Лодвигова үз чыгышында башка муниципаль берәмлекләрдән җыелган хезмәттәшләренә Казанның шәһәр дипломатиясен тәкъдим итте. Чарада башлык урынбасары шәһәрнең тотрыклы үсеше һәм халыкара хезмәттәшлек мәсьәләләре турында сөйләде. </p> <p> «Без соңгы 20 елда Татарстан башкаласы БРИКС бергәлеге һәм дөньякүләм күпчелек илләр арасында халыкара элемтәләр үзәге статусын ныгытсын өчен тырышабыз», - диде Евгения Лодвигова. </p> <p> Ул шулай ук Казанда үзара аңлашып, дустанә мөнәсәбәттә 115 милләт вәкиле яшәвен билгеләп үтте. </p> <p> Казан дипломатиясе хакында сөйләгәндә Евгения Лодвигова билгеләп үткәнчә, илнең глобаль стратегик үсешен башка дәүләтләргә лаеклы күрсәтү системасы бурычларның берсе булып тора. Һәм бу бурыч халыкара оешмалар эшчәнлегендә актив катнашу барышында уңышлы хәл ителә. </p> <p> 2004 елдан Казан Берләшкән Милләтләр Оешмасына керүче 140 илнең 300 меңнән артык муниципаль берәмлекне, төбәк һәм мегаполисны үз эченә алган «Берләшкән шәһәрләр һәм җирле хакимиятләр» бөтендөнья оешмасы әгъзасы санала. Оешманың 7 төбәк бүлекчәсенең бер штаб-фатиры нәкъ менә Казанда урнашкан. </p> <p> «Муниципаль берәмлекләр арасында җирле мәсьәләләрне хәл итү буенча тәҗрибә уртаклашу, кешеләр өчен уңайлы шартлар булдыру максатында хезмәттәшлек итү «Берләшкән шәһәрләр һәм җирле хакимиятләр»нең төп миссиясе булып тора. Дөньяда нинди генә сәяси вәзгыять булмасын, «Берләшкән шәһәрләр һәм җирле хакимиятләр» бергәлегендә безгә Якын Көнчыгыш, Африка, Азия һәм Латин Америкасы шәһәрләре ярдәм итә», - диде муниципаль берәмлек башлыгы урынбасары. </p> <p> <img width="870" src="https://kzn.ru/upload/iblock/7a1/7a159a54e31461b3dde66a9bb97edee3.jpg" height="652"><br> </p> <p> </p> <p> Ул нәкъ менә шуңа күрә 2019 елда Казан мэры Илсур Метшинны Берләшкән Милләтләр Оешмасының җирле үзидарә мәсьәләләре буенча консультатив комитеты президенты постына (ЮНАКЛА), ә 2021 елда «Берләшкән шәһәрләр һәм җирле хакимият» бөтендөнья оешмасы президенты постына сайладылар, дип өстәде. </p> <p> Казанның халыкара элемтәләр системасы шулай ук Метрополис, Азия мэрлар форумы, Тарихи шәһәрләр лигасы, ЮНЕСКО шәһәрләренең глобаль белем алучылар челтәре, ЮНЕСКОның креатив шәһәрләре челтәре һәм башка берләшмәләрдә әгъзалык итү һәм җитәкче вазифаларны башкару шартларында дәвам итә. </p> <p> «Мондый оешмаларның чараларында катнашу шәһәр иминлеге өчен яңа идеяләр һәм инновацияләр эзләүне стимуллаштыра, югары сәясәтнең кайбер кыенлыкларын читләтеп узып, элемтәләр урнаштырырга һәм аларга ярдәм итәргә мөмкинлек бирә», - дип аңлатты Евгения Лодвигова. </p> <p> Казанның халыкара элемтәләре Глобаль Көньяк Дәүләтләре: Кытай, Һиндстан, Төркия, Иран белән ныклы мөнәсәбәтләр урнаштыруга юнәлдерелгән, шулай ук БДБ илләре белән актив эш алып барыла. </p> <p> Чыгыш ясаучы хәбәр иткәнчә, Татарстан башкаласы бөтен дөнья буйлап 74 шәһәр белән кардәшлек һәм партнерлык мөнәсәбәтләре турындагы килешүне имзалаган. </p> <h3> «Без һәрвакыт бу чараларны уздыру хокукы өчен дөньяның эре башкалалары белән көрәштек» </h3> <p> Шәһәр дипломатиясенә Казанда оештырылган зур спорт вакыйгалары: Универсиада – 2013, Су спорты төрләре буенча 16 нчы FINA дөнья чемпионаты, FIFA Конфедерацияләр Кубогы матчлары, FIFA футбол буенча дөнья чемпионатының алты матчы, бөтендөнья эшче һөнәрләр конкурсы стандартлары буенча «WorldSkills» 45 нче һөнәри осталык дөнья чемпионаты, БРИКС илләренең спорт уеннары да керә. Узган ел Казан спорт, фән һәм цифрлаштыру чаралары бергә үрелгән халыкара «Киләчәк уеннары» ярышларын үткәрүчеләрнең тарихта иң беренчесе булган. </p> <p> «Минем шуны аерып әйтәсем килә, без һәрвакыт бу чараларны уздыру хокукы өчен дөньяның эре башкалалары белән көрәштек. Гариза бирү эше һәрвакыт җентекләп әзерләнде, һәм, иң мөһиме, безнең барлык тәкъдимнәр дә төбәк һәм федераль дәрәҗәдә хупланды», - дип билгеләде Евгения Лодвигова. </p> <p> Халыкара дәрәҗәдәге спорт чараларыннан тыш, Татарстан башкаласы халыкара эшлекле һәм икътисади форумнар үткәрү мәйданчыгы булып тора. Федераль статуска ия булган һәм дөньяның көн тәртибендә әһәмиятле вакыйгага әйләнгән «Россия – Ислам дөньясы: KazanForum 2025» халыкара икътисади форумы нәкъ менә шундыйлардан санала. </p> <p> Шул ук исемлектә бу елны 26 меңгә якын катнашучыны җыйган Халыкара Kazan Digital Week форумы һәм Кытай белән хезмәттәшлеккә багышланган халыкара «РОСТКИ: Россия һәм Кытай – үзара файдалы хезмәттәшлек» форумы һәм бу елны беренче тапкыр уздырылган «TIME: Россия-Һиндстан. Үзара нәтиҗәлелек» чаралары да бар. </p> <p> </p> <h3> БРИКС+ илләре шәһәрләре һәм муниципаль берәмлекләре ассоциациясе халыклар һәм илләр арасында ныклы бәйләүче звено </h3> <p> «Россиядән читтә билгеле булган барлык бу чаралар безгә төрле дәрәҗәдәге дөньякүләм вакыйгаларны иң югары инфраструктура таләпләре булган очракта да уздырырга әзер булуыбызны исбатларга мөмкинлек бирде. Без федераль үзәккә югары бәя бирүе һәм Россиядә кайчан да булса уздырылган иң масштаблы тышкы сәяси чараны – БРИКС илләре саммитын уздыруга ышанычы өчен чиксез рәхмәтле», - дип билгеләде чыгыш ясаучы. </p> <p> 2024 елда БРИКСта рәислек итү барышында Казан БРИКС+ илләре шәһәрләре һәм муниципаль берәмлекләре ассоциациясен булдыру тәкъдиме белән чыкты, аның максаты БРИКС илләренә керүче шәһәрләрнең икътисади, социаль, мәдәни һәм башка өлкәләрдә гамәли партнерлыгын үстерү, шулай ук шәһәрләрдәге халыкның тормыш сыйфатын яхшыртуга юнәлдерелгән проектларны гамәлгә ашыру булып тора. </p> <p> Бүгенге көндә БРИКС+ илләре шәһәрләре һәм муниципаль берәмлекләре ассоциациясе – халыклар һәм илләр арасында иң ныклы бәйләүче звено, дип билгеләп үтте чыгыш ясаучы. Аның кысаларында IV «Казаныш. Төрлелек бердәмлеге» архитектура-төзелеш форумы, шулай ук бу елның сентябрендә беренче тапкыр уздырылган БРИКС яшьләр фестивале оештырылган. </p> <p> «Шәһәр дипломатиясе, низагларга юл куймыйча, халыкара мөнәсәбәтләрнең тотрыклылыгын, бердәмлекне саклап калуда нәтиҗәле коралларның берсе булып тора. Ул шәһәрләргә, дәүләтләр сәясәтенә бәйсез рәвештә, бер-берсе белән югары дәрәҗәдә хезмәттәшлек итәргә мөмкинлек бирә, бу гомуми мәсьәләләрне хәл итәргә һәм җирле дәрәҗәдә элемтәләрне җайга салырга ярдәм итә», - дип сүзен йомгаклады Евгения Лодвигова. </p> <p> «Кече Ватанның зур карарлары» форумында бөтен Россиядән 750 муниципаль берәмлек вәкиле катнаша. Чара Россия Федерациясе Президенты администрациясе ярдәмендә Бөтенроссия җирле үзидарәне үстерү ассоциациясе (ВАРМСУ) тарафыннан оештырыла. Форумның төп мәсьәләләре Россиядә җирле үзидарәне комплекслы үстерүгә кагыла. Катнашучылар җирле үзидарәнең торышы һәм перспективалары, муниципаль идарәнең нәтиҗәлелеген арттыру механизмнары, дәүләт-хосусый партнерлыкны да кертеп, инвестицияләр җәлеп итү инструментлары, концессияләр, шулай ук территорияләр белән идарә итүдә ясалма фәһемне куллану турында фикер алышалар. </p> <p> Форум-күргәзмә барышында катнашучылар өчен остаханәләр, ачык фикер алышулар һәм муниципаль тәҗрибәләр марафоны оештырыла. Күргәзмәдә катнашучылар уңышлы 500 муниципаль тәҗрибә белән таныша алачак. </p> <br> <p> </p>

2025-12-05T17:37:22+0300