Винтаж әйберләр, винил пластинкалар һәм махсус бренд киемнәре: Казанда ял маркеты оештырыла

Шәһәр халкыннан антиквариат һәм ретро әйберләр сатып алырга мөмкин булачак

Алдагы ял көннәрендә, ягъни 13 нче һәм 14 нче сентябрьдә Киров районында урнашкан сәүдә үзәкләренең берсендә антиквариат, винтаж һәм ретро әйберләр сату нокталары гөрләячәк. Казан халкы үзенең уникаль товарларын да сата алачак.

Маркетта көнкүреш товарлары, винил пластинкалар, махсус бренд киемнәре һәм аксессуарлар, коллекциягә җыела торган тәңкәләр, натураль продуктлар тәкъдим ителә.

Моннан тыш, казанлылар үзләре дә сатучы була ала. Моның өчен +7(903)307-90-63 телефон номеры аша гариза калдырырга кирәк. Оештыручылар чарада катнашучыларны кирәкле җайланмалар белән тәэмин итә, дип хәбәр итә Киров һәм Мәскәү районнары администрациясе матбугат хезмәте.

Сәүдә нокталары Горький шоссесы, 28 адресы буенча сәгать 10:00 нан кичке 17:00 кә кадәр эшләячәк.

Шулай ук укыгыз

Барлык яңалыклар