Сугыш ветераннары ил эчендә бушлай очу хокукыннан файдалана ала

Самолетка билетлар инвалидларга, элеккеге балигъ булмаган концлагерь тоткыннарына һәм аларны озата баручыларга биреләчәк.

Фото: Екатерина Красуцкая

(Казан шәһәре KZN.RU, 20 нче апрель). Бөек Ватан сугышы ветераннары ил эчендә маршрутлар буенча бушлай очу мөмкинлегеннән файдалана алачак. Җиңү көне алдыннан традицион акцияне «РусЛайн» авиакомпаниясе үткәрә.

Самолетка билетларны ветераннарга, Бөек Ватан сугышы инвалидларына, аларга тиңләштерелгән кешеләргә, концлагерьларның, геттоларның һәм башка мәҗбүри тоту урыннарының элеккеге балигъ булмаган тоткыннарына, шулай ук озата баручыларга бушлай бирәчәкләр. Алар, код-шеринг килешүләре буенча рейслардан тыш, авиакомпаниянең маршрут челтәренең теләсә кайсы юнәлешен сайлый алачак.

Ветераннар 28 нче апрельдән 15 нче майга кадәр бушлай очу хокукыннан файдалана алачак. Рәсмиләштерү 12 нче апрельдән 15 нче майга кадәр авиабилетлар сатучы «РусЛайн»ның теләсә кайсы офисында башкарыла. Үзең белән пассажирларның ташламалы категориясенә керүен раслаучы документ, РФ гражданы паспорты, ә чит ил гражданнарына РФ территориясендә яшәүгә рөхсәт алуны раслаучы документ булырга тиеш. Шулай ук авиабилетларны контакт үзәге аша, 5555@rusline.aero электрон адресына хат җибәреп (аңа күрсәтелгән документларны сканерлап беркетеп) сатып алырга мөмкин, дип хәбәр итә авиакомпаниянең матбугат хезмәте.

Өстәмә мәгълүматны +7(495)980-50-04 яки +7(495)933-23-33 телефоннары буенча белергә мөмкин.

Шулай ук укыгыз

Барлык яңалыклар