"Салават Күпере" торак комплексында 340 гаиләгә торак йорт тапшырылган

Фатир ачкычларын социаль ипотека республика программасында катнашучылар алды.

(Казан шәһәре KZN.RU, 16-нчы гыйнвар). Казанда "Салават Күпере" торак комплексында Наил Йосыпов урамындагы 340 фатирлы 3-нче номерлы йорт (8-4 номерлы төзелеш) файдалануга тапшырылды. Фатир ачкычларын социаль ипотека республика программасында катнашучылар – бюджет оешмалары һәм предприятиеләре хезмәткәрләре алды.

Техник заказчы - Казан Башкарма комитетының Капиталь төзелеш һәм реконструкция идарәсе, подрядчы – "Ак Таш" ҖЧҖ.

18 торак катлы йортта бер подъезд, фатирларның гомуми мәйданы 20,3 мең кв.м тәшкил итә. Яңа төзелештәге барлык фатирлар да яшәүчеләрне кабул итәргә тулысынча әзер, электр плитәләре, су чистарту фильтрлары, су, электр энергиясен исәпкә алу счетчиклары, җылылык көйләүчеләре һәм янгын белдерүчеләр белән җиһазландырылган, дип хәбәр итә ТР Төзелеш, архитектура һәм ТКХ министрлыгы матбугат хезмәте.

Шулай ук укыгыз

Барлык яңалыклар