"Салават күпере" торак комплексында 18 катлы йорт тапшырылды

"Салават күпере" торак комплексында 18 катлы йорт тапшырылды

<p> (Казан шәһәре KZN.RU, 14-нче декабрь). Бүген "Салават күпере" торак комплексында 340 фатирлы 18 катлы йорт файдалануга тапшырылды. Наил Йосыпов урамы буенча урнашкан яңа 5-нче номерлы йортта бюджет оешмалары һәм предприятиеләре хезмәткәрләре яшәячәк.<br> </p> <p> Яңа йорт "Салават күпере" торак районында агымдагы ел башыннан файдалануга тапшырылган унынчы йорт булды. Йортта 18 кат, дүрт подъезд, фатирларның гомуми мәйданы 20,3 мең кв м тәшкил итә, дип хәбәр итә ТР Президенты каршындагы Дәүләт торак фондының мәгълүмат сәясәте төркеме. </p> <p> Хуҗалар бүлмәара һәм керү ишекләре, пластик тәрәзәләре, сантехника, сыйфатлы отделка материаллары, янгын сүндерү системасы булган фатирлар алды. Һәр фатир су, газ, электр энергиясен, җылылык көйләү җайланмалары белән җиһазландырылган. </p> <p> Йортта яшәүчеләрне өй туе белән Татарстан Республикасы Президенты каршындагы Дәүләт торак фонды башкарма директоры урынбасары Владимир Никифоров котлады. Ул билгеләп үткәнчә, яңа елга кадәр торак комплекста тагын 4 йортны файдалануга тапшыру планлаштырыла. </p> <p> 2005 елдан хәзерге вакытка кадәр социаль ипотека программасы кысаларында Татарстанның 114 мең гаиләсе үзләренең торак шартларын яхшырткан. Шулардан 2018 ел башыннан бирле - 6,8 мең гаилә, шул исәптән Казанда – 3,1 мең гаилә. </p>

2018-12-14T11:12:04+0300