Борисоглебск һәм Северный торак массивларында йорт хайваннарын бушлай вакцинацияләү узачак

Йорт хайваннарына котыру авыруыннан прививканы 15 нче һәм 16 нчы апрельдә ясатырга мөмкин булачак.

Фото: Денис Гордийко

(Казан шәһәре KZN.RU, 14 нче апрель). Алдагы ял көннәрендә Казанның Авиатөзелеш районының ике торак массивында котыру авыруыннан этләргә һәм мәчеләргә бушлай вакцинация ясаячаклар.

15 нче апрельдә Борисоглебск халкы үзләренең йорт хайваннарына прививка ясата алачак. Ветеринария хезмәткәрләре 9:00 дән 12:00 гә кадәр чиркәү янында дежур торачак.

16 нчы апрельдә мобиль ветеринария пункты Северный торак массивында эшләячәк. 9:00 сәгатьтән 12:00 сәгатькә кадәр хайваннарга – Давыдов һәм Литвинов урамнары киселешендә, ә 9:00 сәгатьтән 11:00 сәгатькә кадәр Үзәк Мариуполь һәм Литвинов урамнары киселешендә прививка ясатырга мөмкин булачак.

22 нче апрель – резерв көн. Вакцинацияне Побежимов урамы, 2 адресы буенча Казанның Дәүләт ветеринария берләшмәсе филиалында оештыралар. Яшәүчеләрне йорт хайваннары белән 9:00 дән 14:00 гә кадәр көтәчәкләр, дип хәбәр итә Казанның Авиатөзелеш һәм Яңа Савин районнары хакимиятенең матбугат хезмәте. Барлык сораулар буенча +7(843)571-38-10, +7(917)287-02-99 телефон номерлары буенча мөрәҗәгать итәргә мөмкин.

Эт һәм мәче хуҗалары шуны истә тотарга тиеш: иммунитет формалашкан арада, хайван организмы көчсезләнә, шуңа күрә аңа башка хайваннар белән элемтәгә керүдән саклану яхшырак булачак.

Шулай ук укыгыз

Барлык яңалыклар