Салават Күпере торак районында «Мәхәббәт» торак комплексы төзелә

Салават Күпере торак районында «Мәхәббәт» торак комплексы төзелә

<p> </p> <div class="detail-picture"> <img src="https://kzn.ru/upload/iblock/850/8508b6d603240c974a4649cbf2f6e45b.jpg"> <p class="detail-picture__caption"> Фото: ТР Рәисе каршындагы Дәүләт торак фонды  </p> </div> <p> (Казан шәһәре KZN.RU, 3 нче август). Казанның Салават Күпере торак районында «Мәхәббәт» торак комплексы төзелә, ул социаль ипотека буенча торак программаларында катнашучылар өчен билгеләнгән. </p> <p> Яңа социаль ипотека кварталында 168 фатирлы йорт төзелә башлады. Ул ике подъездлы һәм үзгәрүчән катлы (10-18 катлы) булачак. Андагы фатирларның гомуми проект мәйданы 8,2 мең кв. м тәшкил итәчәк.  </p> <p> Хәзер эшчеләр подвалның тимер-бетон панельләрен урнаштыралар. ТР Дәүләт торак фонды матбугат хезмәтендә хәбәр итүләренчә, барлык фатирлар да сантехника, электр плитәләре, янгын сигнализациясе датчиклары, су, электр энергиясен исәпкә алу счетчиклары, җылылык регуляторлары һәм мәгълүматны читтән торып укуның автомат системасы белән җиһазландырыла.  </p> <p> Бер үк вакытта «Мәхәббәт» торак комплексында Дәүләт торак фондыннан 724 фатирлы тагын алты йорт төзелә. Йортларның техник әзерлеге 14% тан 83% ка кадәр тәшкил итә. Барлыгы 2008 фатирга исәпләнгән 14 үзгәрүчән катлы йорт (10-18 катлы) төзеләчәк. </p>

2023-08-03T17:32:01+0300