Борисоглебский торак массивында 525 м озынлыкта суүткәргеч монтажланган

Борисоглебский торак массивында 525 м озынлыкта суүткәргеч монтажланган

<p> </p> <div class="detail-picture"> <img src="https://kzn.ru/upload/iblock/ea6/ea69ba4dde8fb066181d99c46c1b4e2c.jpg"> <p class="detail-picture__caption"> Фото: Денис Гордийко </p> </div> 2023 елда Казанның Авиатөзелеш районында урнашкан Борисоглебский торак массивында суүткәргечнең беренче чираты төзелгән. Аның озынлыгы – 525 м. Эшләрне 2024 елда дәвам итү планлаштырыла. Бу хакта Авиатөзелеш һәм Яңа Савин районнары администрациясе башлыгы Фәнис Нурмөхәммәтов аппарат киңәшмәсендә хәбәр итте. <p> </p> <p> Аның сүзләренә караганда, Борисоглебский торак массивында гомуми практика табибы үзәге барлыкка киләчәк, анда участок табиблары, педиатрлар һәм терапевтлар халыкка беренче медицина ярдәме күрсәтәчәк. </p> <p> «Районнарда чисталыкны тәэмин итү һәм территорияләрне тәртиптә тоту буенча көндәлек эш алып барыла. Бүген поселокларда каты коммуналь калдыкларны җыю өчен 49 контейнер мәйданчыгы оештырылды, шуларның 12 се 2023 елда төзелде. Быел тагын биш мәйданчыкны җиһазлау планлаштырыла», – дип белдерде спикер. </p> <p> Шулай ук Олы Дәрвишләр бистәсе янында законсыз рәвештә оештырылган чүплек бетерелгән. Аның турында микрорайон халкы хәбәр иткән. Нәтиҗәдә 12 мең кв.м мәйданда участок чистартылган. «Шәһәрне төзекләндерү» МУП участоктан 27 мең тонна чүп чыгарган. </p> <p> Казанлыларны борчыган мәсьәләләрнең тагын берсе – яктырту элементларын алыштыру. 2023 елда дүрт поселоктагы 12 урамда 60 яктырткыч яңартылган. </p> <p> Бүгенге көндә Казанның Авиатөзелеш һәм Яңа Савин районнарында барлыгы 14 торак массив исәпләнә, аларда 45 меңгә якын кеше яши. </p> <p> <b>Диләрә Гафурова</b> </p> <br>

2024-03-04T14:38:00+0300