Казанда элеккеге «Парус» рестораны бинасында яшьләр мәгариф үзәге урнашачак

Бүген Р.Миңнеханов, А.Песошин, А.Сәфәров, И.Метшин һәм башкалар төзелеп килүче һәм реконструкцияләнә торган объектларда булып кайтты.

Фото: ТР Президенты матбугат хезмәте

(Казан шәһәре KZN.RU, 13-нче июль). Бүген Татарстан Республикасы Президенты Рөстәм Миңнеханов Казанның төзелә һәм реконструкцияләнә торган кайбер объектларында булды. Киңәшмәдә ТР Премьер-министры Алексей Песошин, ТР Президенты Аппараты җитәкчесе Әсгать Сәфәров, Казан Мэры Илсур Метшин, республика министрлыклары җитәкчеләре һәм башкалар катнашты.

Беренче объект Казансу яр буенда урнашкан элеккеге «Парус» рестораны бинасы булды. Биредә иҗади һәм фәнни лабораторияләрне, музей экспозицияләрен, күргәзмә киңлекләрен берләштерүче яшьләр мәгариф үзәген урнаштыру планлаштырыла. Биналарны карау барышында Рөстәм Миңнеханов бинаның өске өлешендә карау мәйданчыгын җиһазландыруны йөкләде.

Аннары ТР Президенты элеккеге «Спартак» аяк киеме фабрикасы комплексында булды. Рөстәм Миңнеханов фабриканың төп бинасын open space форматында заманча киңлеккә әверелдерү вариантын карарга тәкъдим итте.

Шулай ук бүген Татарстан Президенты ике сәламәтлек саклау объектын – Республика клиник туберкулезга каршы диспансерын һәм Тернәкләндерү травматология үзәген карады. Рөстәм Миңнеханов биналарның агымдагы техник торышы белән танышты һәм аларны тиешле кыяфәткә китерергә, табиблар һәм авырулар өчен кирәкле барлык шартларны булдырырга кушты, дип хәбәр итә ТР Президенты матбугат хезмәте.

ТР Президенты матбугат хезмәте фоторепортажы

ТР Президенты матбугат хезмәте видеорепортажы