Гыйнвар бәйрәмнәрендә Казан халкы муниципаль парковкалардан бушлай файдалана алачак

Башкарма комитетта 2023 елда паркингларга автомобильләр куйган өчен түләргә кирәк булмаган көннәрне билгеләделәр.

Фото: Денис Гордийко

(Казан шәһәре KZN.RU, 8 нче декабрь). Казанда 2023 елда муниципаль парковкаларның бушка эшләячәк көннәрен билгеләделәр. Шәһәр Башкарма комитетының тиешле карары Казан шәһәре муниципаль берәмлегенең документлар һәм хокукый актлар җыентыгында басылып чыкты.

Транспорт чараларын парковка урыннарында урнаштырган өчен автомобильчеләрдән бәйрәм көннәрендә һәм бәйрәм көннәрен күчерүгә бәйле ял көннәрендә түләү алынмаячак: 2 нче гыйнвардан 6 сына кадәр; 23 нче һәм 24 нче февраль; 8 нче март; 1 нче, 8 нче һәм 9 нчы май; 12 нче июнь; 30 нчы август; 6 нчы ноябрь.

Шәһәр халкы һәм кунаклары Татарстан Президенты указы белән билгеләнә торган Ураза бәйрәмен һәм Корбан бәйрәмен бәйрәм итү көннәрендә урам-юл челтәре буенда урнашкан муниципаль парковкалардан бушлай файдалана алачак.

Искәртеп узабыз, быелдан башлап казанлылар муниципаль парковкалардан якшәмбе һәм бәйрәм көннәрендә генә түгел, шимбә көннәрендә дә бушлай файдалана ала. Эш көннәрендә түләү 8:00 дән 19:00 гә кадәр алына.

Шулай ук укыгыз

Барлык яңалыклар