Гыйнварда туристик кешбэк программасының чираттагы этабы башлана

Милли проект кысаларында бу максатларга 5 млрд сум акча салынган.

Фото: Марат Мугинов

(Казан шәһәре KZN.RU, 14-нче декабрь). 2022 елның 18-нче гыйнварыннан туристик кешбэк программасының бишенче этабы башлана. Әлеге максатларга милли проект кысаларында 5 млрд сум салынган.

Программа акчаны янга калдырырга яки аларны сәфәрдә булган чакта ашау, сатып алу, күңел ачуга сарыф итәргә мөмкинлек бирә. Әйтик, акция ярдәмендә турның яки яшәүнең 20%-ын кайтарырга мөмкин, кешбэкның максималь суммасы – 20 мең сум.

Программада катнашу шартлары элеккечә кала: туристка юлны һәм 2 төннән башлап кунакханәдә яшәүне «Мир» түләү системасы картасы белән түләргә кирәк. Илнең теләсә кайсы төбәгенә 18-нче гыйнвардан 30-нчы апрельгә кадәр барырга, ә навигация ачылганнан алып 1-нче июньгә кадәр круизларга чыгарга мөмкин. Бер карта белән чикләнмәгән санда турлар түләргә мөмкин. Сатуның яңа этабы 12-нче апрельгә кадәр дәвам итәчәк, дип хәбәр итә Туризм буенча ТР Дәүләт комитеты матбугат хезмәте.

Туристик кешбэк программасы 2020 елда эшли башлады. Акция туристларга да, эшмәкәрлеккә дә ярдәм булды. 2021 ел башыннан программадан 1,7 млн россияле файдаланган, алар суммар рәвештә турлар сатып алганнар һәм кунакханәләрдә яшәү өчен 34 млрд сумнан артык түләгәннәр, кешбэк рәвешендә аларга турыдан-туры 6,7 млрд сум кире кайткан.

Шулай ук укыгыз

Барлык яңалыклар