Ял көннәрендә Татарстанда буран һәм 20 градуска кадәр суытырга мөмкин

Көндез 22 декабрьдә Казанда һава температурасы 13-15 градус тәшкил итәчәк.

(Казан шәһәре KZN.RU, 21-нче декабрь). Иртәгә синоптиклар казанлыларга аязучан болытлы һава торышы фаразлый. 22 декабрьгә каршы төндә бераз кар көтелә, җил көньяктан. Һава температурасы минус 13-15 градуска кадәр төшәчәк.

Көндез шәһәрдә урыны белән кар, көньяк-көнчыгыштан җил, температура 8-10 градуска кадәр салкын булачак. Юлларда бозлавык саклана.

Тулаем алганда, Татарстан буенча якындагы тәүлектә аязучан болытлы һава көтелә, урыны белән кар явачак. Аерым районнарда бозлавык һәм пыскак яңгыр саклана. Көньяк-көнчыгыштан, көньяктан талгын җил. Төнлә һәм иртән һаваның минималь температурасы минус 12-17 градуска кадәр булачак. Көндез максималь һава температурасы 8-13 градустан түбән булачак.

23 декабрьдә республиканың күпчелек районнарында кар һәм буран көтелә. Төнлә һаваның минималь температурасы 10-15 градустан түбән булачак, аязганда минус 20 градуска кадәр. Көндез максималь һава температурасы 7-12 градуска кадәр салкын булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар