Ял көннәрендә Татарстанда урыны белән -22 градуска кадәр суыта

Ял көннәрендә Татарстанда урыны белән -22 градуска кадәр суыта

<p> Шимбә көнне, 14 декабрьдә, Татарстанның күпчелек районнарында бераз кар явачак, урыны белән буран көтелә. Төнлә һәм иртән температура -8..-13, аязганда -17 градуска кадәр түбәнәя, көндез -6..-11 градус фаразлана. </p> <p> Бүген төнлә һәм иртәгә иртән Казанда һава температурасы -11..-13 градус тәшкил итәчәк. Юлларда бозлавык көтелә. Көндез болытлы булачак, явым-төшемсез. Термометрлар баганалары -9..-11 градуска кадәр төшәчәк. Җил төньяк-көнбатыштан 6-11 м/с тизлек белән, урыны белән – тизлеге 14 м/с. </p> <p> Якшәмбе, 15 декабрьдә, Татарстанда төнлә һәм иртән һава температурасы -13..-18, аязганда – 22 градуска кадәр түбәнәя. Урыны белән республика буенча зур булмаган кар явачак. Көндез һава температурасы -9..-14 градус тәшкил итәчәк. </p> <p> Татарстан Республикасы Гидрометеорология үзәгенең якынча фаразы буенча, киләсе атна башында, дүшәмбе һәм сишәмбе, республикада кар, юеш кар көтелә. 16 декабрь төнендә һава температурасы -9 дан -14 кә, ә 17 декабрьдә -5..-10 градуска кадәр тәшкил итәчәк. Көндез -2..-7 градус дип фаразлыйлар. </p>

2024-12-13T15:35:00+0300