Татарстанда һава температурасы 10 градуска кадәр төшәчәк

Татарстанда һава температурасы 10 градуска кадәр төшәчәк

<p> Татарстанга төньяк антициклон килде, һәм республика районнарына салкын арктик һава төшә башлады. Беренчел фаразлар буенча, мондый вәзгыять киләсе атна уртасына кадәр дәвам итәчәк. Бу чорда явым-төшем көтелми. </p> <p> Алдагы тәүлектә Казанда алмашынучан болытлы һава торышы һәм көнчыгыш җиле 6-11 м/с, урыны-урыны белән 13 м/с ка кадәр. Төнлә һаваның минималь температурасы -2..-4 градус булачак, көндез -4 тән 6 градуска кадәр җылыначак. </p> <p> Ялларда Татарстанда термометр баганаларын төнлә -3..-8 градус, ә 13 октябрьдә республиканың көньягында һәм көнчыгышында түбән урыннарда -10 градус күрсәтәчәкләр. Шимбә көндез һава +2..+7 градуска кадәр җылыначак, якшәмбе көнне температура фоны +4 градустан алып  +9 градуска кадәр тәшкил итәчәк. </p> <p> Атна ахырына кадәр уртача тәүлеклек температура нормадан 4-6 градуска түбәнрәк булачак. </p> <p> Татарстан Республикасы Гидрометүзәге алдан фаразлаганча, киләсе атна башында төнлә -3..-8 градуска кадәр суытачак, республиканың көньягында һәм көнчыгышында түбән урыннарда -10 градуска кадәр. Көндез һава +6..+12 градус. </p>

2024-10-11T13:59:00+0300