Ял көннәрендә Татарстанда юеш кар һәм көчле җил көтелә

Ял көннәрендә Татарстанда юеш кар һәм көчле җил көтелә

<p> </p> <div class="detail-picture"> <img src="https://kzn.ru/upload/iblock/e30/DEN_2934-870.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 18 нче февраль). 19 нчы февральдә Татарстанда һәм аның башкаласында кар, буран, көчәйгәндә секундына 15-20 метрга кадәрге тизлектә көчле җил, кар көртләре көтелә. <p> </p> <p>  19 нчы февральгә каршы төндә Казанның аерым районнарында буран көтелә, җил тизлеге секундына 20 метрга кадәр булачак. Көндез синоптиклар -1дән +1 градуска кадәрге һава температурасы, юеш кар, буран һәм бозлавык фаразлый. </p> <p> Татарстанда 19-20 нче февральдә юеш кар һәм буран көтелә, җил тизлеге секундына 18 метрга кадәр җитәргә мөмкин. Төнлә һаваның минималь температурасы 1 дән 6 градуска кадәр салкын булачак, ә көндез максималь температура +2 градуска җитәчәк. Юлларда – бозлавык һәм кар көртләре, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p>  ТР буенча Эчке эшләр министрлыгының Дәүләт автоинспекциясе машина йөртүчеләргә юл хәрәкәте кагыйдәләрен үтәү кирәклеге турында искә төшерә. Куркыныч маневрлардан, бигрәк тә каршы як полосага чыгудан сакланырга кирәк. Иминлек каешларын эләктерергә, ә 7 яшькә кадәрге балаларны махсус креслоларда йөртергә онытмагыз. </p> <p>  Җәяүлеләргә дә сак булырга кирәк – юлны бары тик махсус билгеләнгән урында гына светофорның рөхсәт итүче сигналына чыгарга ярый, ә караңгы вакытта яктылык кайтаручы элементларны кулланырга кирәк. </p>

2022-02-18T16:58:09+0300