Ял көннәрендә Юдино поселогында җигүле этләрдә ярышлар узачак

Бүләкләр каникросс, байкджоринг, скутер һәм карт дисциплиналарында уйнатылачак.

Фото: vk.com/ТР Җигүле спорт федерациясе

(Казан шәһәре KZN.RU, 4 нче ноябрь). 5 нче һәм 6 нчы ноябрьдә Юдино поселогындагы «Локомотив» стадионында җигүле этләрдә ярышлар узачак. Катнашучылар каникросс, байкджоринг, скутер һәм карт дисциплиналарында беренчелек өчен көрәшәчәк. Ярышта 100 дән артык катнашучы булыр дип планлаштырыла.

Ярышлар 5 нче ноябрь, шимбә көнне, 10:00 сәгатьтә ачылачак. Төп дисциплиналар 11:00 сәгатьтә башлана. Ярышлар 6 нчы ноябрь, якшәмбе көнне дәвам итәчәк. Җиңүчеләрне бүләкләү финал көнендә 15:00 сәгатьтә узачак, дип хәбәр итә Татарстанның җиңүле спорт федерациясе.

Җигүле этләрдә ярышларда ир-атлар, хатын-кызлар, яшүсмер ететләр һәм кызлар катнашачак. «Узыш җиңүчесе» титулы токымга һәм нәселгә карамастан, җиңгән барлык этләргә бирелә.

Шулай ук чара программасына кинологлар чыгышлары, балалар һәм гаиләләр өчен хеппи-дог стартлары, костюмлаштырылган йөгерү һәм рәсем конкурсы кертелгән, дип хәбәр итә ТР башкаласының Киров һәм Мәскәү районнары администрациясе.

Чараны ТР Җигүле спорт федерациясе оештыра. Ярышлар ТР Спорт-гамәли эт үрчетү федерациясе һәм Казан Башкарма комитеты ярдәме белән узачак.

Шулай ук укыгыз

Барлык яңалыклар