Ял көннәрендә Казанда терекөмеш баганалары нульдән югары күтәреләчәк

Шулай да метеорологлар юеш кар һәм буран фаразлый.

(Казан шәһәре KZN.RU, 23-нче март). Казанда киләсе шимбә карлы, ләкин җылы булачак. Төнлә һәм көндез 24 мартта кар, юеш кар һәм бераз буран көтелә.

Көньяк-көнбатыштан уртача тизлектә җил исәчәк, аязучан болытлы һава көтелә. Төнлә һаваның минималь температурасы – минус 4-6 градус, көндез 0-2 градус җылы булачак.

Шул ук вакытта метеорологлар татарстанлыларны кисәткәнчә, иртәгә республика территориясендә урыны белән көньяк-көнбатыштан 16 м/с тизлектә көчле җил исәчәк. Төнлә минус 3-8 градус көтелә, аяз вакытларда – минус 13 градуска кадәр. Көндез минус 3 градустан +2 градуска кадәр булачак. 25 мартта явым-төшем күзәтелми, һава температурасы төнлә – минус 8-13 градус, көндез минус 1-6 градус булачак, дип хәбәр итә ТР Гидрометеорология һәм әйләнә-тирә мохитне күзәтү идарәсе.

Шулай ук укыгыз

Барлык яңалыклар