Ял көннәрендә синоптиклар яңгыр һәм яшен фаразлыйлар

Ял көннәрендә синоптиклар яңгыр һәм яшен фаразлыйлар

<p> (Казан шәһәре KZN.RU, 3-нче август). Киләсе ял көннәрендә синоптиклар Татарстан һәм аның башкаласында яшәүчеләргә яшенле яңгыр фаразлыйлар.<br> </p> <p> Шимбәгә каршы төндә Казанда бераз яңгыр явачак. Көнбатыштан уртача тизлектә җил исәчәк. Һаваның минималь температурасы +16-18 градус тәшкил итәчәк. 4 августта көндез урыны белән кыска вакытлы яңгыр явачак, урыны белән яшен көтелә, боз явуы ихтимал. Көнбатыштан уртача тизлектә җил исәчәк, яшен вакытында җилнең көче 15-20 м/с кадәр артырга мөмкин. Терекөмеш баганалары +25-27 градуска кадәр күтәреләчәк. </p> <p> Республика буенча шимбә, 4 августта, алмашынучан болытлы һава булачак. Яңгыр, урыны белән көчле яңгыр яварга мөмкин. Кайбер районнарда яшен, көндез боз яварга мөмкин. Көнбатыштан уртача тизлектә җил исәчәк, яшен вакытында җилнең көче 15-20 м/с кадәр, көндез урыны белән 22 м/с кадәр артачак. Төнлә һаваның минималь температурасы 15-20 градус булачак, көндез максималь температуралар – +23-28 градус. Көньяк районнарда +31 градус көтелә, дип хәбәр итә ТР Гидрометеорология һәм әйләнә-тирә мохитне күзәтү идарәсе. </p> <p> Якшәмбе, 5 августта, алмашынучан болытлы һава саклана. Татарстанның күпчелек районнарында урыны белән төнлә, көндез кыска вакытлы яңгыр явачак. Урыны белән яшен көтелә. Көньяк-көнбатыштан уртача тизлектә җил исәчәк, яшен вакытында җилнең көче 15-20 м/с кадәр артырга мөмкин. Төнге температуралар +14-19 градус тәшкил итәчәк, көндезге температуралар – +23-28 градус. </p>

2018-08-03T13:42:13+0300