Ял көннәрендә Татарстанда һава температурасы +34 градуска кадәр җылыначак

Иртәгә казанлыларны кыска вакытлы яңгыр көтә

Ял көннәрендә Татарстанның күпчелек районнарында төрле көчлелектәге яңгырлар көтелә, урыны белән яшенле яңгыр һәм көчле җил.

Казанда бүген төнлә алмашынучан болытлы һава көтелә, урыны белән кыска вакытлы яңгырлар явачак. Һаваның минималь температурасы +19..+21 градусны тәшкил итәчәк. 15 июньдә көндез җитди явым-төшемнәрсез, алмашынучан болытлы һава сакланачак, +28..+30 градуска кадәр җылытачак.

Гомумән, Татарстанда төнлә һава температурасы +17..+22 градуска кадәр төшә. Шимбә көндез һава +26..+31 градуска кадәр җылыначак, ә республиканың көнчыгышында термометр баганалары +34 градусны күрсәтәчәк.

Якшәмбе төнлә синоптиклар +14..+19 градус, ә көндез +27 градустан +32 градуска кадәр җылы булыр дип вәгъдә итә.

Трның Гидрометүзәге фаразы буенча, 17 нче июньдә һәм 18 нче июньдә төнлә республикада явым-төшемнәр ихтималы аз. Көндез урыны белән яңгырлар көтелә, яшенле яңгыр да булырга мөмкин. Бу периодта төнлә синоптиклар +13..+18 градус, ә көндез +26 градустан алып +31 градуска кадәр җылылык фаразлый.

Шулай ук укыгыз

Барлык яңалыклар