Ял көннәрендә Татарстанда -17 градуска кадәр салкынайтачак

Явым-төшемсез салкын һава торышы киләсе атна башында да сакланачак.

Фото: Денис Гордийко

(Казан шәһәре KZN.RU, 18 нче ноябрь). Бүген һәм иртәгә Татарстанда һава торышына көньяк-көнбатыш циклон йогынты ясаячак, шуның аркасында һава торышы начараячак. Республикада 1 чакрымга кадәр күз күреме начарлану белән бураннар һәм секундына 15-18 метрга кадәр көчле җил көтелә.

18 нче һәм 19 нчы ноябрьдә Татарстанда төнлә һава температурасы -2 дән -8 градуска кадәр, көндез 0 дән -5 градуска кадәр тәшкил итәчәк.

20 нче ноябрь, якшәмбе көнне Республика төньяктан күчүче антициклон тәэсиренә эләгәчәк: явым-төшем туктый, һава температурасы түбәнәячәк. Төнлә -8 дән -13, аязганда -17 градуска кадәр көтелә. Көндез һава температурасы -4 дән -10 градуска кадәр булачак. Салкын, явым-төшемсез һава торышы киләсе атна башында да сакланачак.

Бүген төнлә Казанда синоптиклар -3 градустан алып -5 градуска кадәр, иртәгә көндез -1 дән -3 градуска кадәр фаразлый. Төнге һәм көндезге сәгатьләрдә бураннар, көнчыгыш һәм төньяк-көнчыгыштан урыны белән секундына 15-18 метрга кадәр җитүче салмак җил көтелә, дип хәбәр итә ТР Гидрометеорология үзәге.

Шулай ук укыгыз

Барлык яңалыклар