Якшәмбе көнне Казансу яр буенда эшкәртүгә икенчел чимал кабул ителәчәк

Шәһәрлеләр макулатура, йомшак һәм каты пластик, металл, алюминий һәм башкаларны тапшыра алачак

Якшәмбе көнне, 26 октябрьдә, Казансу елгасы ярында икенчел чимал кабул итү мобиль пункты эшләячәк. Акция 10:00 нан 12:00 гә кадәр узачак. Акция барышында шәһәр халкы чүп-чарны дөрес сортларга аеру турында сораулар бирә алачак.

Мәйданчыкта макулатура, чеклар, ПЭТ шешәләр, йомшак һәм каты пластик, тетрапак, металл, алюминий, полипропилен, язу кирәк-яраклары, ватык техника, шулай ук мәче һәм этләр өчен азык кабул итәчәкләр. Тулы исемлек белән сылтама буенча танышырга була.

Алмашу базарында кием-салым (яхшы хәлдә), китаплар, картиналар, бизәү әйберләре, савыт-саба, фоторамкалар, аксессуарлар, вазалар, чәчәк чүлмәкләре, эш техникасы һ.б. бирергә мөмкин.

Бу көнне аяк киеме, су сөзгечләре, уенчыклар, батареялар, лампалар, градус үлчәгечләр, шприцлар, битлекләр, бишбармакчалар кабул ителмәячәк, дип хәбәр итә «Казансу үсеше стратегиясе» проекты командасы.

Мобиль пункт Миллениум күпере астындагы машина кую урынында җәелдереләчәк.

Акция «ЭкоЛогично» хәрәкәте тарафыннан шәһәрнең Парклар һәм скверлар дирекциясе, «Казансу үсеше стратегиясе» проектлары командалары ярдәмендә оештырылды.

Шулай ук укыгыз

Барлык яңалыклар