Казанның Вахитов районында вакантлы эш урыннары күчмә ярминкәсе узачак

Килүчеләр район предприятиеләрендәге вакантлы вазифалар турында белә алачаклар.

(Казан шәһәре KZN.RU, 18-нче июнь). 25-нче июнь көнне Казанның Вахитов районында вакантлы эш урыннары күчмә ярминкәсе узачак.

Килүчеләр район предприятиеләрендә, шул исәптән өлкән яшьтәге кешеләр өчен вакантлы вазыйфалар турында белә, эшкә урнашуда ярдәм кабул итә, предприятиеләрнең кадрлар хезмәте вәкилләре белән очраша, шулай ук хезмәт һәм эш белән тәэмин итү, дәүләт гарантияләре һәм хезмәт күрсәтүләре турындагы закон мәсьәләләре буенча консультация ала алачаклар.

Казанның Вахитов районы Халыкны эш белән тәэмин итү үзәге вакантлы эш урыннары күчмә ярминкәсен Кадрлар әзерләү буенча төбәк мәгариф үзәгендә түбәндәге адрес буенча үткәрә: Зинин ур., 3. Чара 10.00 сәгатьтән 13.00 сәгатькә кадәр барачак. Керү һәм барлык хезмәтләр бушлай, дип хәбәр ителә ТР Дәүләт мәшгульлек хезмәте порталында.

Шулай ук укыгыз

Барлык яңалыклар