Казанның Вахитов районында транспорт хәрәкәтен чикләячәкләр

Сәбәбе — халыкара медиасәнгать фестивален уздыру

Татарстан башкаласында 22 майдан 26 майга кадәр Кремль урамында транспорт хәрәкәте чикләнәчәк, шулай ук «НУР» халыкара медиасәнгать фестивален уздыру вакытына Үзәк стадион каршындагы парковка ябылачак.

22 майның 12:00 дән 26 майның 05:00 кә кадәр Чернышевский урамыннан Беренче Май мәйданына тиклем Кремль урамы буенча транспорт хәрәкәте чикләнәчәк (шул исәптән Ивановский төшүе).

23 майның 20:00 дән 25 майның 05:00 кә кадәр Үзәк стадион һәм цирк каршындагы машина кую урыны ябылачак.

Элегрәк хәбәр ителгәнчә, Казанның Авиатөзелеш районында Челюскин урамы буенча транспорт хәрәкәтен вакытлыча чикләячәкләр.