Казан урамнарын җыештыруга 388 берәмлек техника һәм 499 юл эшчесе җәлеп ителгән

Узган тәүлектә 16 мең тоннадан артык кар чыгарылган.

Фото: Денис Гордийко

(Казан шәһәре KZN.RU, 5-нче гыйнвар). Бүген көндез Казан урамнарын кардан чистартуга 499 юл эшчесе һәм 388 берәмлек махсус техника, шул исәптән 49 катнаш юл машинасы, 68 трактор щеткасы, 137 үзбушаткыч, 62 фронталь төягеч, 42 «Барсик» минитөягече һәм башка техника чыкты.

Кар чыгару Сигезенче Март, Айдаров, Әмәт, Архангельск, Батыршин, Бауман, Беломорск, Блюхер, Бондаренко, Богатырская, Ботаника, Васильченко, Восход, Галактионов, Гарифьянов, Гвардия, Гладилов, Глушко, Голубятников, Губкин, Даурия, Дубравная, Журналистлар, Камал, Карбышев, Кирпичников, Короленко, Кремль, Кол Гали, Курчатов, Кутуй, Лобачевский, Меридиан, Миль, Мир, Насыйри, Новаторлар, Нужин, Парин, Петербург, Пионер, Попов, Правосудие, Идел буе, Пушкин, Сәетгалиев, Столбов, Сыртланова, Ташаяк, Тинчурин, Хәким, Халитов, Чернышевский, Четаев, Чехов, Чишмәле, Цеткин, Чистай урамнарыннан, Ибраһимов, Ямашев, Оренбург һәм Себер трактларыннан, Әмәт магистрале, Ярминкә мәйданы, Ферма шоссесы, шулай ук Нокса авышлыгыннан башкарылачак.

Узган тәүлектә урамнардан 16 мең тоннадан артык кар чыгарылган, ә кышкы сезон башыннан – 224 мең 878 тонна кар, дип хәбәр иттеләр Казан Башкарма комитетының Тышкы төзекләндерү комитетында.

Юлларда тәүлеккә 36 тонна реагент һәм 111 тонна ком-тоз катнашмасы кулланылган, ә сезон башыннан – 33 мең 996 тонна бозлавыкка каршы материаллар.

Шулай ук укыгыз

Барлык яңалыклар