Казан юлларын кардан чистартуда 633 юл эшчесе һәм 291 берәмлек техника катнаша

Узган тәүлектә шәһәр урамнарыннан 7,3 мең тонна кар чыгарылган.

Фото: Марат Мөгыйнов

(Казан шәһәре KZN.RU, 26 нчы ноябрь). Узган төндә Казан урамнарын кардан чисартуга 60 юл эшчесе һәм 256 махсус техника берәмлеге, шул исәптән 61 катнаш юл машинасы һәм 41 трактор щеткасы чыкты.

Карны чыгаруга һәм тротуарларны чистартуга аерым игътибар бирелде. Узган тәүлектә шәһәр урамнарыннан 7361 тонна кар чыгарылган, шуның 5120 се – төнге сәгатьләрдә.

Бозлавыкка каршы эшкәртү өчен 225 тонна реагент һәм 422 тонна ком-тоз катнашмасы кулланылган.

Шәһәр Башкарма комитетының Тышкы төзекләндерү комитетында хәбәр итүләренчә, бүген юлларны җыештыруда 633 юл эшчесе һәм 291 берәмлек техника катнаша.

Шулай ук укыгыз

Барлык яңалыклар